رواية حين يعشق الفهد الفصل السادس 6 بقلم نادية محمود
#الساااادس
بعد مرور خمس سنين
"يخرج أنين ألم من غرفة في هذه الڨيلا الواسعة ثم يتحول الأنين إلي صرخات والصرخات تزداد ليأتي عليها كل من في البيت "
"وهذه ليست إلا صرخات "رنـا" التي تدل علي أقتراب مولودها لينزل أرض الحياة "
"ليتم نقلها فورا علي المستشفي لتتم عملية الولاده والكل كان واقف برا أوضة العمليات ينتظرون فرحة أخري تنضم إلي العائلة"
ليث بفرح... هبقا خالو يـ تونه هبقا خالو
_قلب تونة.. انت أحلي خالو أصلا
"دقيقة اتنين وسمعوا صراخ المولود الجديد وطلع جاسر وهو شايل الطفل علي أيده"
جاسر بفرح... بنت جابت بنوته زي القمر
أحمد (أبو رنا وليث)... بقيت جدو لتاني مره
_احم احم قصدك لتالت مره يـ حج
أحمد بضحك... لمؤاخذه بقا
_شوف الراجل اللي يشوفه ميصدقش إنه عاش أكتر من عشر سنين برا مصر 😂
أحمد... دا أنا مصراوي أبا عن جد هههههههه
"في الوقت ده جه محمد بسرعة شديدة عليهم وعلي وشه ملامح الحزن والقلق جاسر أخد منهم الطفله وطلب من الممرضة تأخدها الحضانه للاطمئنان"
محمد... شوفتوا الأخبار
"الكل طبعا مش كان فاضي يشوف الاخبار في الوقت ده وبعدين فتحوا التليفزيون الموجود في المستشفي علي الأخبار"
المراسل... ونأتيكم مع أخر الأخبار أختفاء الطائرة المتجهه إلي إيطاليا صباح أمس من ع الخطوط الجوية وكل المحطات الجوية أصدرت ردار يتم البحث عنها ولكنها أختفت تمام
أروي (أم رنا وليث)خبطت علي صدرها... يلهوووي دا دي الطياره إلي عليها ياسر
"وقع الخبر بصدمه علي الكل"
ليث بقلق... رنا مش لازم تعرف دلوقت خالص بالخبر ده
"رجعوا تاني علي الأوضه اللي اتنقلت عليها رنا وكانت بدات تفوق من المخـ ـدر"
رنا... اااه
أروي بحزن... سلامتك من الااه يـ كبدي
_حمدلله علي سلامتك يـ عمتو الحر"بوءه 😂
رنا بضحك... أفوقلك بس يـ فتون أنتي وعيالك
ليث... حمدلله علي سلامة القمر اللي خلتني خالو
جاسر... يعني أنت بقيت خالو وأنا لا طب مـ هي خلتني خالو أنا كمان
_بالنسبه للاتنين اللي قبل دي مش كنت فيهم خالو ولا كنت مرات خالو
جاسر ماسكها من قفاها... لسان أمك إلا عايز قصه ده هيوديكي في داهية
"الكل ضحك عليهم"
رنا... مش هشوف ابني ولا اي
ليث بضحك... قصدك بنوتك
رنا بفرح... بجد ياسر كان نفسه أوي في بنوته
صحيح هو مش اتصل ولا حد عرفه إني ولدت
"الكل بان عليه الزعل"
أحمد... لا لا أزاي اتصل بس مش لحقنا نعرفه لأن الشبكة قطعت مره واحده
_يلا يـ جماعة دلوقتي ميساء بتشد في شعرها من العيال🤦🏻♀️😂
محمد بضحك... علي رأيك
"تم إخراج رنا وليث كان شايل البنوته ورجعوا علي الفيلا فـ ليث وجاسر اشتروا هذه الفيلا سويا ليعشوا جميعا بها"
"ميساء جريت تشوف البنوته بعد م فتحت الخدامه الباب وعرفت إنهم هما"
ميساء... يـ ختي علي القمر الله أكبر
"ليث وهو واقف شايل البنوته حس بحاجه بتشد هدومه بيبص تحت لقاه"
ليث... نعم
فهد... عايز اشلها
ليث بضحك... بس أنت لسه صغير وهي لسه صغيرة
فهد بضيق... بليز بابي أنا مش صغير أنا كبير وعندي خمس سنين
_روحي أنت.. فين أخوك أسد
فهد... طنط ميسو لسه منيماه
فهد... يلا بقا يـ بابي
"ليث أخد فهد وقعده علي الكنبه جمب رنا"
فهد بفرح... الله يـ بابي دي عسل أوي أنا هتجوزها لما أكبر زي م أنت أتجوزت ماما
"الكل ضحك عليه"
ميساء بزهق... شيل ابنك عني شوية مش عارفه طالع لمين ابن الجزمه دا مش بيبص لعيال فتون لي هاديين وراسيين لكن دا نازل زن زن زن خرم ودني
"فتون حطت ايدها علي صدرها بدراميا"
جاسر... قاسم قلب بابي عمره مـ يعمل كدا
_عيالي عيالي اااه هنولع النهارده أنا عارفه مش هتجبيها لبر يـ بنت فتحية
ميساء... مش تخافي أنا بنق مش بحسد
_لا ونبي ياختي
"الكل ضحك عليهم"
محمد... مش عرفنا هنسمى البنوته اي
رنا... وتين
هسميها وتين لأن دا الاسم اللي أختاره ياسر لو طلعت بنوته
رنا... ألا صحيح هو ياسر مش رن تاني
فهد... وتيني
"فون رنا رن وراحت ترد عليه فجأه سكت والفون وقع من علي ودانها ودقيقة ووقعت مغمى عليها"
أروي... بـنـتـي
"ليث جري شالها وطلع بيها كان جاسر جهز العربية وطلعوا بيها علي المستشفي وجاسر أخدها علي أوضه يكشف عليها"
جاسر... إنهيار عصبي
ليث بتفكير... هيكون أي اللي حصل سكت للحظه وتابع معقول تكون عرفت إن ياسر...
"قاطع كلامه صريخها بإسم ياسر... دخلوا لقوا الاوضه عبارة عن قطع أثر تكسيرها لأي شيء يأتي أمامها"
رنا بدموع... يااااااسر لاااااا لاااااا
"ليث أخدها في حضنه وحاول يهديها"
رنا بدموع... أنا عايزه ياسر هاتلي ياسر يـ ليث ونبي هاتهولي
"ليث مسح الدمعه اللي نزلت غصب عنه من حزنه ع أخته وياسر اداها حقنه مهدئه وأخدواها علي الڨيلا"
أروي... يلا يـ كبدي عشان تأكلي
"رنا مش بترد باصه قدامها وسرحانه "
"أروي قربت الأكل عشان تأكلها بعدته بأديها محاولة منها للرفض حاولت أروي معاها أكتر من مره وهي مصممه برضوا"
_أكلت
أروي... لا مش راضية ادخليلها أنتي يـ فتون يمكن تسمع منك
_حاضر... بس قولي لـ ميساء تجيب وتين وتجيلي
_سمعت أن في ناس مش راضيه تاكل بس أكيد مش هتكسفني
"بس برضوا رفضت الأكل"
_هتفضلي كدا لـ امتى مش تنسي إنك بقيتي أم (هنا دخلت ميساء وهي معاها وتين بتعيط) وبنتك دي ليها حقوق عندك دا مش حل يـ رنا
"هنا رنا عيطت واترمت في حضن فتون وأكلت كام لقمة عشان تقدر ترضع وتين"
"عدي شهرين علي الوضع ده رنا مش بتفارق أوضتها غير وقت ما تروح بيتهم عشان تفتكر ياسر ومش بترضي تأكل غير كام لقمة عشان وتين وفهد بقا بيعرف يهدي وتين اللي مش بتبطل عياط لأنها بعيد معظم الوقت عن أمها و فرقة البحث لسه شغالين وبيدوروا علي أي حاجه عن الطيارة"
_____________
"رنا قررت تنزل تحت معاهم ويفطروا سوا... فون رنا رن"
رنا بفرح... دا هشام صاحب ياسر
محمد... طب ردي يـ بنتي وافتحي الاسبيكر عشان نعرف وصلوا لـ أي
هشام بحزن... ازيك يـ رنا
رنا... الله يسلمك هاا في أخبار عن ياسر
هشام... رنا في جـ ـثة وشاكين إنه ياسر لازم تيجي تتعرفي عليها
"وقع الفون من ايده"
"قامت وهي حاسه إن رجليها مش شيلاها وقررت تروح والكل راح معاها"
"بعد وقت وصلوا علي المكان وهشام شاور لها علي الجـ ـثة راحت عند الجـ ـثة وبدأت تمد أيدها تشيل الغطا وكان قلبها بيدق بعنف كأنه خلاص هيطلع من مكانه "
رنا بصدمه....
يتبع....
#حين_يعشق_الفهد
#نادية_محمود
